علاج جفاف وتقصف الشعر

بتعانى من جفاف وتقصف الشعر ؟الهيشان وتقصف الاطراف مدمر نفسيتك ومخليكى طول الوقت مكسوفه من شكل شعرك وعايزه تداريه طول الوقت.دورتى كتير على اسبابه وطرق علاجه وزهقتى من كتر التجربه لمنتجات مختلفه سواء سمعتى عنها من صحباتك او من ريفيوهات الناس على السوشيال ميديا بس مفيش نتيجه مرضيه ليكى ,احنا بقى فى المقال ده هنوضحلك كل حاجه تخص جفاف وتقصف الشعراسبابه واعراضه وافضل روتين لعلاج جفاف الشعر وتقصفه.

ماهو جفاف الشعر وتقصفه

اول حاجه هنتكلم عنها لازم اعرفك الاول يعنى ايه شعرى يبقى جاف ومتقصف وايه اللى بيحصل للشعره يوصلها للمرحله دى ركزى معايا :  

جفاف الشعر معناه ان التركيبه الطبيعيه لشعرك تضررت فبتخلى الشعر ضعيف وبتقلل مرونته وبالتالى يتكسر بسهوله ويحصل الهيشان وتقصف الاطراف اللى بيزعجك .

الضرر ده بيكون فين وازاى : 

عندك الشعره (Hair Shaft) بتتكون من طبقتين خارجيه (Cuticle) وداخليه (Cortex),وفى جفاف الشعر الضرر بيحصل فى الطبقه الخارجيه وممكن يمتد للطبقه الداخليه المسئوله عن قوه ومرونه الشعر فيضعفه ويقلل من مرونته وبالتالى يتكسر معاكى بسهوله حتى باللمس .والجفاف ده ليه اعراض واسباب كتيره هوضحهالك كلها.  
يمكنك قراءة شرح أكثر تفصيلًا عن تركيب الشعرة وتأثير مستحضرات العناية عليها

أعراض جفاف الشعر

عندك علامات واعراض كتير هتعرفى من خلالها ان شعرك جاف ومتضرر ومحتاج اهتمام 

العلامات دى زى ايه : 

• الشعر بيكون جاف وهايش طول الوقت 

• الاطراف متكسره ومتقصفه مهما عملتى فيها

• الشعر بيكون سهل يتكسر وقت التمشيط او الاستحمام فبتحسى ان الشعر فيه تساقط وبيكون السبب التقصف

• الشعر بيكون باهت وتعبان وفيه فقدان للمعه اللى متعوده عليها

• بيتشابك بسرعه وبيكون صعب فى التصفيف

دى كل الاعراض اللى تخليكى تقولى انا عندى جفاف فى الشعر وتبداى تدورى على الاسباب والحاجات اللى بتعمليها بتوصلى شعرك للمرحله دى وانتى مش واخده بالك.

هشرحلك الاسباب كلها دلوقتى وبتعمل ايه فى شعرك ؟

أسباب جفاف الشعر وهيشانه

توجد اسباب كتير لجفاف الشعر ودى الاكثر شيوعا وممكن تكونى بتعملى منها كام واحده بتسببلك الجفاف والتقصف وانتى متعرفيش زى : 

1-الضرر الكيميائى 

مثل صبغ او فرد الشعر باستخدام المواد الكيميائيه الضاره اللى بتضعف الشعر وبتخليه اكثر قابليه للتكسر والتقصف .

2-الضرر بالحراره 

مثل استخدام المكواه او الاستشوار بصوره مستمره ومتكرره لفرد الشعر .تعريض شعرك للحراره بشكل مستمر بيساعد على تقصفه وهيشانه وتكسر اطرافه وممكن كمان يؤدى الى التساقط .

بس لو مضطره لفرد الشعر فاستخدام الحراره اهون على الشعر من انك تفرديه باستخدام المواد الكيميائيه الضاره .

الفرد بالمواد الكيميائيه اخطر لانه بيخلى الشعر يتحرق و بيدمرلك طبقه الكورتيكس الداخليه المسئوله عن قوه وليونه الشعر.

3-الضرر باستخدام فرش او طرق تمشيط عنيفه للشعر 

استخدام فرش مصنوعه من مواد ضاره للشعر زى الفرش الحديد او التمشيط بعنف بتخلى الشعر اكثر عرضه للجفاف والتقصف .

كمان استخدام تسريحات مش مناسبه لطبيعه شعرك او بتشد الشعر جامد وبتضيق عليه بتؤدى ان الشعر يبقى باهت ويتكسر بسهوله .

علشان كده النيو ماميز دايما بنصحهم ميشدوش شعر بنوتاتهم او يربطوه بشكل قوى علشان الشعر هيتكسر ويقصف منهم وبعدين يرجعوا يدوروا على السبب.  
تنصح الأكاديمية الأمريكية للأمراض الجلدية بالتعامل بلطف مع الشعر، واستخدام البلسم وتقليل الشد والاحتكاك للمساعدة على الحد من التلف. اقرئينصائح حماية الشعر من الضرر

4-الغسيل الزياده للشعر واستخدام شامبوهات غير مناسبه لنوع شعرك 

الغسيل المتكرر لشعرك باستخدام شامبوهات تحتوى على مواد كيميائيه ضاره للشعر زى السلفات والبارابين بيخلى الشعر يفقد الزيوت الطبيعيه الموجوده فيه ويجعله اكثر عرضه للتلف والتقصف.

يوضح خبراء Cleveland Clinic أن الشعر الجاف والخشن قد يحتاج إلى غسل أقل تكرارًا مقارنة بالشعر الدهني. اقرئي المزيد عن عدد مرات غسل الشعر

5-الضرر البيئى 

زى انك تعرضى شعرك باستمرار للتلوث واشعه الشمس وملح البحر او كلور حمام السباحه دى كلها عوامل بيئيه ضاره بتخلى شعرك باهت وجاف طول الوقت .

6-الاكل 

اخر سبب هنتكلم عنه هو الاكل ,ممكن متاخديش بالك ان الحاجات اللى بتاكليها هتاثر طبعا على شعرك وطبيعته علشان كده لازم تخلى اكلك غنى بالفيتامينات والعناصر اللى تفيد شعرك زى الحديد وفيتامين E والبيوتين اللى بيدخل فى تكوين الكيراتين بتاع الشعر .

أفضل روتين لعلاج جفاف وتقصف الشعر

اكثر من 50% من حل مشاكل الشعر وعلاجه فى انك تتجنبى الاسباب اللى ذكرتهالك فوق وباقى العلاج هوضحهولك بالتفصيل دلوقتى :  

هقولك دلوقتى على افضل روتين لعلاج جفاف الشعر وتقصفه اللى هيخليكى ترتاحى من القلق والاحراج اللى بيحصلك بسبب الشعر الجاف والشعر المتقصف. 

اولا: استخدام شامبوهات للشعر الجاف  

استخدمى شامبو خالى من المواد الضاره زى السلفات والبارابين ويفضل استخدام الشامبو اللى بيحتوى على مواد تساعد على ترطيب الشعر ايضا . 

استخدمى الشامبو من 2-3 مرات فى الاسبوع وتجنبى الاستخدام الزياده .هرشحلك دلوقتى شويه شامبوهات فيها كل المواصفات اللى شعرك محتاجها زى :  

1- انيفاجين شامبو للنساء

يتميز  شامبو انيفاجين للنساء 200 مل باحتوائه على مزيج من المكونات المدروسه التى تستهدف الشعر التالف والضعيف وتعيد له حيويته وقوته ولمعانه. 

مكوناته :  

البانثينول (فيتامين B5) -الكابيلارين : اللى بيساعدوا على تقويه الياف الشعر والحفاظ على رطوبته والمرونه وبالتالى القضاء على التلف والهيشان . 

• فوايده للشعر :   
  يغذي الشعر بعمق ويصلح التلف الناتج عن الصبغات والعوامل الخارجية

• يساعد على تقليل الهيشان والتجعد وتموج الشعر 

• يعزز مرونة الشعر ويعيد له الحيوية والنعومة 

استخدامه  :  

• استخدميه على شعر مبلل ودلكى فروه الراس جيدا بالشامبو وبعدها اغسليه بمياه فاتره  

• يفضل استخدام البلسم بعد الشامبو بس على الاطراف فقط لزياده الترطيب للشعر .

2-سيروبايب شامبو 

يتميز شامبو سيروبايب 300 ملبانه شامبو علاجى خالى من السلفات يحتوى على تركيبه طبيعيه من الاعشاب التى تساعد على ترطيب الشعر واعطاءه الحيويه واللمعان اللى بتدورى عليه . 
مكوناته: 
يحتوى على كاميجين -البيوتين -الكيراتين - زيت الارجان -الكافيين - زيت جنين القمح - مستخلص ارابيكا . 
فوايده للشعر :

• خالٍ من السلفات، وآمن للشعر المعالج والمصبوغ.

• يحتوي على مكونات طبيعية تعزز الترطيب والتغذية.

• يعزز نمو الشعر ويقوي البصيلات من الجذور. 
  استخدامه :

• يستخدم على شعر مبلل ويدلك بشكل جيد لمده دقيقتين على الشعر ثم يشطف بماء فاتر .

• يفضل استخدامه من 2-3 مرات فى الاسبوع واستخدام بلسم على الاطراف بعده . 
   

ثانيا : استخدام بلسم للشعر الجاف   

استخدام البلسم بعد الشامبو من الاشياء المهمه لزياده الترطيب والقضاء على الجفاف والتلف ويفضل استخدام البلسم والشعر مبلل وعلى الاطراف فقط وليس الفروه ونتركه لمده 3 دقائق وبعده نشطفه بمياه فاتره . 

1-بلسم كلارى 

يتميز كلارى بلسم 300 ملبقدرته الرهيبه على ترطيب الشعر واعطاءه القوه واللمعان والحيويه وذلك بفضل مكوناته الطبيعيه وتركيبه الزيوت المعالجه للشعر التالف . 
مكوناته :  
يحتوى كلارى على : بروكابيل - زيت الارجان - زبده الشيا - زيت الزيتون - مستخلص الكافيار . 
فوايده للشعر :

• يحفز نمو بصيلات شعرك ويزيدها حيوية.

• يقلل من التساقط لاحتوائه على مادة البروكابيل.

2- سيروبايب بلسم  
يتميز بلسم سيروبايب 200 جم باحتوائه على مزيج من المكونات الطبيعيه والاعشاب اليابانيه اللى بتساعد على ترطيب الشعر وتقويه البصيلات من جذورها واعطاء الشعر المظهر الصحى والحيوى اللى بتدورى عليه . 
مكوناته :  
Kamigen E -Kamigen K- زيت الاركان - زيت زبده الشيا -هينوكيتيول، فيتامين هـ - Vitamin E - بروتينات الحرير - زيت الخروع - فيتامين B5 (بانثينول). 
فوايده للشعر :  
يمنح شعرك ترطيباً مكثفاً ويعالج الجفاف بشكل فعال. 
يقوي الشعر بفضل تركيبته الغنية بالفيتامينات والبروتينات، تركيبة يابانية متطورة. 
يترك شعرك ناعماً وسهل التصفيف، يفك تشابك الشعر ويعالج التقصف. 
ثالثا :استخدام ماسك للشعر الجاف  
استخدام الهير ماسك من الاشياء الضروريه واللطيفه اللى بتساعد على ترطيب الشعر والقضاء على الجفاف والهيشان . 
يفضل استخدام الهير ماسك  والشعر مبلل او فيه رطوبه ثم ضعى الماسك على الشعر ووزعيه جيدا واتركيه من 15-30 دقيقه ثم اشطفيه بماء فاتر ونشفى شعرك بعدها ويفضل استخدام الفوطه المايكروفايبر بدل الفوطه العاديه . 
استخدمى الماسك مرتين فى الاسبوع والافضل تستخدميه بعد كل استخدام للشامبو والبلسم لزياده الترطيب والحفاظ على شعرك من التلف والجفاف . 
هقولك دلوقتى شويه هيرماسك من كوزماباى هتساعدك جدا . 
1- سيروبايب هيرماسك  
هيرماسك سيروبايب 300 مل بيشتغل على ترطيب ساق الشعرة بعمق، وتنعيم الملمس، وتقليل التشابك فبالتالي بيقلل التكسر اللي بيحصل وقت التسريح أو التصفيف.  
مكوناته :  
يحتوى الهيرماسك من سيروبايب على تركيبة غنية بالأعشاب اليابانية والزيوت الطبيعية اللى بتساعد على ترطيب الشعر واصلاحه من الجذور واعطاءه المظهر الصحى واللمعان:  
كاميجين K وE -البيوتين والكافيين - شمع النحل والبانثينول - زيوت طبيعية: زيت الأرغان، زيت الخروع، زيت جنين القمح، زيت الجرجير، زيت جوز الهند . 
فوايده للشعر :  
ترطيب مكثف يخلي الشعر أطرى وأسهل في التحكم 
تقليل الهيشان خصوصًا بعد الشاور أو في الجو الرطب 
تحسين ملمس الأطراف وتقليل مظهر التقصف 
2- كلارى هيرماسك  
لو شعرك ناشف، بيهيش، وبيتشابك بسرعة فـ كلارى هير ماسك 300 مل يعتبر خطوة أساسية في الروتين الأسبوعي لأنه بيدي ترطيب أعمق من البلسم وبيساعد الشعر يرجع أنعم وأسهل في التصفيف.

مكوناته : 
يحتوى الهيرماسك من كلارى على مجموعه من المكونات الفعاله اللى بتساعد على ترطيب الشعر واعطاءه اللمعان والنعومه: 
كافيين - زيت الأرجان - زبدة الشيا - زيت الزيتون - بروكابيل  
فوايده للشعر: 
تنعيم الأطراف وتحسين شكل التقصف (مع ضرورة قص الأطراف المتقصفة جدًا) 
ترطيب مكثّف يعالج الخشونة والبهتان 
فكّ التشابك وبالتالي يقل شدّ الشعر وتكسيره

رابعا : استخدام سيروم للشعر الجاف 
اخر منتج فى روتين علاج جفاف وتقصف الشعر هو استخدام سيروم مناسب يعطي شعرك اللمعان والنعومه والترطيب اللى بتدورى عليهم ويجعل الشعر سهل اثناء التمشيط ويساعدك فى التخلص من الهيشان والجفاف والتلف . 
يستخدم السيروم من 2-3 اسبوعيا بعد استخدام الشامبو والبلسم الخاص بك ويفضل استخدامه على اطراف الشعر ولا يوضع على الفروه . 
يوجد الكثير من السيرمات اللى ممكن تستخدميها لعلاج جفاف الشعر وهيشانه,هرشحلك دلوقتى الافضل . 
1- سيروبايب سيرم 
سيرم سيروبايب 100 مل  يعتبر خطوة إنقاذ سريعة للشعر الجاف والهايش، لأنه بيشتغل كطبقة حماية خفيفة على الشعرة فيقلل الهيشان، يدي لمعة، ويخلي الشعر أسهل في التصفيف.خصوصا لو بتعانى من تشابك وتكسر الشعر وقت التمشيط . 
مكوناته : 
يحتوى على تركيبه متطوره مستخلصه من الاعشاب اليايانيه والمكونات الطبيعيه مثل :  
كاميغن K وE - الكافيين -البيوتين - فيتامين E - زيت جنين القمح - الهينوكيتيول - مستخلص البن العربي. 
فوايده للشعر :  
يعالج تلف الشعر الناتج عن الصبغات والمعالجات الكيميائية. 
يمنع تقصف الأطراف ويحد من الهيشان. 
يحفّز نمو الشعر ويزيد من كثافته. 
2- سيرم كلارى 
سيرم كلارى 100 مل من السيرمات القويه اللى بتساعد على ترطيب الشعر واعطاءه النعومه واللمعان والقضاء على التقصف والهيشان والتقليل من التكسر اثناء التمشيط. 
يتميز السيرم بقوامه الخفيف سريع الامتصاص ليجعله مناسب لجميع انواع الشعر المختلفه . 
مكوناته :  
يحتوى السيرم على مزيج من المكونات الطبيعيه سريعه الامتصاص مثل :  
زيت الأرجان - مستخلص الفلفل الأحمر (الكابسيكوم) - دايميثيكون - بوليسوربات 80. 
فوايده للشعر:  
يمنح الشعر ترطيبًا عميقًا من الجذور حتى الأطراف. 
يعزز نمو الشعر بفضل مستخلص الكابسيكوم الذي يحفز الدورة الدموية. 
يعالج التقصف والتلف الناتج عن الحرارة والصبغات. 
واخيرا,احنا كستات الشعر من اكتر الحاجات اللى بتغير فى شكلنا وانه يكون فى شكل صحى وناعم ولامع دى حاجات بتدينا ثقه فى نفسنا علشان كده علاج جفاف الشعر وتقصفه من اهم الاشياء اللى بنحاول طول الوقت اننا نعملها وهتلاقى فى المقال ده كل المعلومات والاسئله اللى بتيجى ف دماغك واجابتها بالتفصيل عن جفاف الشعر واسبابه وعلاجه .ولو حبيتى تسألى عن اى حاجه تخص الشعر والبشره تقدرى تتواصلى مع فريق كوزماباى المكون من صيادله متخصصين فى العنايه بالبشره والشعر وهيردوا عليكى فورا وفى اى وقت مع امكانيه توصيل المنتجات لعند باب بيتك ولجميع المحافظات .